طالبان نے غیرقانونی سرگرمیوں میں ملوث اپنے 2790 سے زائد ارکان کو برطرف کردیا۔
افغانستان کی وزارت دفاع کے تخلیص کمیشن کے سربراہ لطیف اللہ حکیمی نے بتایا ہے کہ غیرقانونی سرگرمیوں میں ملوث 2790 ارکان کوبرطرف کیاجاچکا ہے۔
ان کا کہنا تھاکہ برطرف ارکان کرپشن، منشیات اسمگلنگ میں ملوث تھے جبکہ کچھ برطرف ارکان کے دہشت گرد تنظیم داعش سے روابط تھے۔
انہوں نے مزید کہا کہ 11 صوبوں میں ارکان کے خلاف کارروائیاں کی گئی ہیں جبکہ بیشتر ارکان کو عدلیہ کے حوالے کیا گیا ہے۔
لطیف اللہ حکیمی نے خبردار کیا کہ شہریوں کو ہراساں کرنے والے ارکان کو گرفتار کرکے سخت قانونی کارروائی کی جائے گی۔
خیال رہے کہ شہریوں کی جانب سے طالبان ارکان کے نام پر ہراساں کرنے کی شکایت کے بعد تخلیص کمیشن قائم کیا گیا تھا۔