چین کے قومی محکمہ برائے اعداد و شمار نے گیارہ جنوری کو دسمبر 2020 کے لئے قومی سی پی آئی (صارف قیمت اشاریہ) اور پی پی آئی (صنعتی پروڈیوسروں کی سابقہ فیکٹری قیمت اشاریہ) کے اعداد و شمار کا اجرا کیا۔ اس سلسلے میں قومی شماریات بیورو کےسینئر عہد یدار، ڈونگ لی جوان نے تفصیلات پیش کیں۔
ان کے مطابق سی پی آئی میں گزشتہ ماہ اور گزشتہ سال کے اسی عرصے کے مقابلے میں اضافہ دیکھنے میں آیا ہے۔ دسمبر میں مختلف علاقوں اور محکموں نے وبائی امراض کی روک تھام اور کنٹرول میں بہتری کے ساتھ ساتھ معاشی و معاشرتی ترقی کے نتائج کو بہتر بنایا ہے۔ اس عرصے میں صارفین کی طلب میں اضافہ ریکارڈ کیا گیا ہے ۔اس کے ساتھ ساتھ ،شدید موسمی حالات اور بڑھتے ہوئے اخراجات کی وجہ ، پہلے سی پی آئی میں کمی اور پھر اضافہ دیکھا گیا ہے۔ پچھلے ماہ سی پی آئی میں 0.6فیصد کمی ہوئی اور رواں ماہ اس میں 0.7 فیصد کا اضافہ ہوا۔
پچھلے ماہ کے مقابلے میں پی پی آئی میں اضافہ ہوا جبکہ گزشتہ سال کے اسی ماہ کے مقابلے میں اس میں کمی آئی ہے۔ دسمبر میں ، گھریلو طلب کی مستحکم بحالی اور کچھ بین الاقوامی اجناس کی قیمتوں میں مسلسل اضافے کی وجہ سے ، صنعتی مصنوعات کی قیمتوں میں بھی مسلسل اضافہ ہوا ہے۔ پچھلے ماہ کے مقابلے میں پی پی آئی میں 1.4 فیصد کا اضافہ ہواہے۔ تاہم گزشتہ سال کے اسی ماہ کے مقابلے میں پی پی آئی میں 0.4 فیصد کی کمی آئی ہے اس میں 1.3 پرسینٹیج پوائینٹ کی کمی آئی ہے۔