بائیس ستمبر دو ہزار بیس کو چینی صدر شی جن پھنگ نے اقوام متحدہ کی جنرل اسمبلی کے دوران اعلان کیا کہ دو ہزار تیس میں چین میں کاربن کا اخراج نقطہ عروج پر پہنچ جائے گا اور دو ہزارساٹھ تک چین کاربن نیوٹرل ماحول کے ہدف کی تکمیل کی کوششکرے گا۔کاربن کے اخراج کے نقطہ عروج پر پہنچنے سے "زیرواخراج” تک کا متوقع دورانیہ جرمنی اور برطانیہ کا نصف بنتا ہےجس سے موسمیاتی تبدیلی سے نمٹنے کے لیے چینی عزم کا اظہارہوتا ہے۔
اعلی معیار کی ترقی کے راستے پر گامزن چین کے لیے سرسبز ترقی اندرونی ضروریات سے مطابقت رکھتی ہے۔جیسا کہ چینی صدر شی جن پھنگ نے کہا کہ ماحول دوست ترقی مستقبل کی ضرورت ہے۔چین کے سرکاری جائزے کے مطابق گزشتہ پانچ سال چین میں ماحولیاتی بہتری میں کامیابی کے لحاظ سے سب سےنمایاں پانچ سال ہیں۔چین کئی سال سے دنیا میں قابل تجدیدتوانائی پر سب سے زیادہ سرمایہ لگانے والا ملک رہا ہے۔اپنی سرسبز ترقی کو فروغ دینے کے ساتھ ساتھ چین توانائی کے کثیرالطرفہانتظام اور عالمی تعاون میں بھی مثبت طور پر حصہ لے رہا ہے۔
جیسا کہ اقوام متحدہ کے سیکرٹری جنرل انتونیو گوتریز نے اپیل کی ہے کہ ماحولیاتی تبدیلی سے نمٹنے کے لیے پوری دنیا کو سرگرم رہنا چاہیئے۔امید ہے کہ مزید ممالک صاف شفاف اور خوبصورت دنیا کی تعمیر اور آنے والی نسلوں کے لیے پائیدار ترقی کے "سرسبزبینک" کے قیام کے لیے مل کر کوشش کریں گے۔