بیجنگ: (ویب ڈیسک) چینی وزیر خارجہ وانگ یی نےکہا ہے کہ چین اور روس طاقت کے وحشیانہ استعمال اور یک قطبی تسلط کی پالیسی کو کبھی تسلیم نہیں کریں گے۔
روسی خبر رساں ادارے کے مطابق یہ بات انہوں نے چین میں تعینات روسی سفیر اگور مورگولوف سے ملاقات کے دوران کہی۔
چینی وزیرخارجہ نے کہا کہ چین اور روس مل کر کثیر قطبی دنیا کی حمایت کر رہے ہیں اور یک قطبی بالادستی کو مسترد کرتے ہیں۔ دونوں ممالک بین الاقوامی قانون پر مبنی عالمی نظام کی حمایت کرتے ہیں اور اقوام متحدہ کے ساتھ بین الاقوامی تعلقات کے نظام کامضبوطی سے دفاع کر رہے ہیں جو اس حوالے سے مرکزی کردار ادا کر رہا ہے۔
انہوں نے کہا کہ وہ طاقت کے وحشیانہ استعمال کی پالیسی کو مسترد کرتے ہیں۔ انہوں نے کہا کہ ان کا یہ موقف جدید ترقی کے رجحانات کے مطابق ہے۔