لاہور میں ڈینگی کیسز میں اضافے کے پیش نظر اسپتالوں میں جگہ کم پڑنے لگی ہے۔
ذرائع کے مطابق لاہور میں بچے بھی ڈینگی بخار سے متاثر ہونے لگے ہیں، ڈینگی کیسز میں بڑھتے اضافے کے باعث سرکاری اور پرائیوٹ اسپتالوں میں بستر کم پڑنے لگے ہیں۔
ذرائع کا بتانا ہے کہ اسپتالوں میں کورونا مریضوں کے لیے مختص بستروں پر بھی ڈينگی کے مریض زيرِ علاج ہیں۔
دوسری جانب محکمہ صحت پنجاب کا تیار کردہ ایکسپو فیلڈ اسپتال اب تک فعال نہیں ہو سکا ہے۔
خیال رہے کہ وفاقی دارالحکومت اسلام آباد میں بھی ڈینگی شدت اختیار کرنے لگا ہے اور شہر اقتدار میں ڈینگی سے متاثرہ مریضوں کی تعداد 1000 سے زائد ہو چکی ہے۔