لاہور: پاکستان سپر لیگ 6 کا میلہ آج سے یو اے ای میں شروع ہو گا، بقیہ میچز کی میزبانی کے لئے شیخ زید اسٹیڈیم تیار، شائقین کرکٹ کے لئے ان کی فیورٹ ٹیم کی شرٹ بھی مارکیٹ میں دستیاب ہیں۔
پی ایس ایل سکس کا سپر میلہ ابوظہبی میں شروع ہو نے کو ہے، شیخ زید اسٹیڈیم میں پاکستان اور غیر ملکی کھلاڑی رنگ جمانے کو تیار ہیں۔ کراچی کی مارکیٹس میں شائقین کرکٹ اپنی پسندیدہ ٹیموں کی شرٹ لینے پہنچنا شروع ہو گئے۔ ملتان سلطانز کے دیوان کہتے ہیں شاہد آفریدی ہوتے تو اور بھی مزا آتا لیکن محمد رضوان سے امیدیں ہیں۔
نوجوان ملتان سلطانز کی بھی کٹ لینے دکانوں کا رخ کر رہے ہیں۔ دکانداروں کا کہنا ہے کہ کورونا نے کاروبار کو متاثر کیا ہے۔ اُدھر یو اے ای میں ٹیمیں جیت کے لئے بھر پور زور لگا رہی ہیں اور دنیا بھر کے طرح پاکستان میں شائقین کرکٹ ان کو سپورٹ کرنے کے لئے تیاری کر رہے ہیں۔