Official Web

ڈیڑھ ماہ میں فرنٹیئر کانسٹیبلری کے مسائل حل کریں گے , شیخ رشید

پشاور (بیورو رپورٹ) وفاقی داخلہ شیخ رشید احمد نے فرنٹیئر کانسٹیبلری ہیڈکوارٹر کے دورے کے موقع پر کہا کہ محدود وسائل میں ایف سی کی قربانیاں قابل ستائش ہیں ، ایف سی شہدا پیکج میں اضافہ کریں گے اور مسائل حل کریں گے – ان خیالات کا اظہار وفاقی وزیر داخلہ شیخ رشید احمد نے فرنٹیئر کانسٹیبلری ہیڈکوارٹر آمد کے موقع پر کیا، انہیں ایف سی جوانوں کے چاق و چوبند دستے نے سلامی دی، اس موقع پر شیخ رشید نے یادگار شہدا پر پھول رکھے اور شہدا کے بلند درجات کیلیے دعا کی – وفاقی وزیر داخلہ کا کہنا تھا کہ ایف سی کی قربانیوں کو قوم قدر کی نگاہ سے دیکھتی ہی، کیوں کہ محدود وسائل میں ایف سی نے قربانیاں دیں ، ایف سی کی خدمات قابل ستائش ہیں – انہوں نے کہا کہ ایف سی شہدا پیکج میں بھی اضافہ کیا جائے گا اور مسائل بھی حل کیے جائیں گی، لہو سے امن کے دئیے جلانے والے شہدا قوم کے دلوں میں ہمیشہ زندہ رہیں گے – وفاقی وزیر داخلہ شیخ رشید احمد کا مزید کہنا تھا کہ ایف سی کے نڈر جوانوں نے دہشتگردوں کا قلع قمع کرنے کیلئے کردار ادا کیا، ڈیڑھ ماہ میں فرنٹیئر کانسٹیبلری کے مسائل حل کریں گے –

%d bloggers like this: