سپریم کورٹ نے پورے کراچی شہر سے تمام سائن بورڈ اور بل بورڈز ہٹانے کا حکم جاری کر دیا۔
سپریم کورٹ کراچی رجسٹری میں چیف جسٹس پاکستان جسٹس گلزار احمد کی سربراہی میں شہر میں بل بورڈ گرنے سے متعلق ازخود نوٹس کی سماعت ہوئی۔
میئر کراچی وسیم اختر، ایڈووکیٹ جنرل سندھ، کمشنر کراچی اور دیگر اعلیٰ حکام عدالت میں پیش ہوئے۔
کراچی کو ہر کوئی تباہ کررہا ہے، لگتا ہے حکومت کی شہریوں سے دشمنی ہے: چیف جسٹس برہم
چیف جسٹس نے شہر میں بل بورڈ گرنے سے شہریوں کے زخمی ہونے کے واقعے پر برہمی کا اظہار کرتے ہوئے کہا کہ مافیا حکومتوں کو پال رہی ہے، حکومتیں اس مافیا کا کیا بگاڑیں گی، اگر کچھ کیا تو حکومتوں کا دانا بند ہو جائے گا۔
سپریم کورٹ نے پورے شہر میں بل بورڈ اور سائن بورڈ ہٹانے کا حکم دیتے ہوئے کمشنر کراچی کو مکمل اختیارات دے دیے، کارروائی کر کے تمام بل اور سائن بورڈز ہٹا دیں۔
چیف جسٹس گلزار احمد نے کہا کہ تمام سرکاری مقامات سے بھی بل اور سائن بورڈز اور سائن بورڈ ہٹائے جائیں۔
سپریم کورٹ نے نجی عمارتوں پر لگے خطرناک سائن بورڈز بھی فوری طور پر ہٹانے کا حکم دیا کہ اس شہر میں ہر کوئی مارشل لاء بنا بیٹھا ہے، کوئی پوچھنے والا ہی نہیں ہے، حکومت نام کی کوئی چیز ہی نہیں ہے۔