Official Web

جانیے واٹس ایپ میں کون سے نئے فیچرز شامل ہونے والے ہیں

سماجی رابطوں کی مقبول ایپ ’واٹس ایپ‘ نے صارفین کی آسانی کے لیے چند نت نئے فیچرز کی سہولت آئندہ ہفتے تک پیش کرنے کا اعلان کیا ہے۔

واٹس ایپ نے اپنی بلاگ پوسٹ کے ذریعے 5 فیچرز کی سہولت فراہم کرنے کا اعلان کرتے ہوئے کہا ہےکہ کمپنی ہمیشہ صارفین کی آسانی کے لیے نئے راستے تلاش کرتی رہتی ہے۔

ان 5 فیچرز میں اینیمیٹڈ اسٹیکرز، کیو آر کوڈز، ڈارک موڈ فار ڈیسک ٹاپ، گروپ ویڈیو کالز اور اسٹیٹس کمز کائی او ایس  شامل ہیں۔

اینیمیٹڈ اسٹیکرز

کمپنی کا کہنا ہے کہ صارفین اینیمیٹڈ اسٹیکرز کے ذریعے زیادہ بہتر طریقے سے جذبات کا اظہار کرتے ہیں اس لیے نیو اینیمیٹڈ اسٹیکرز کا پیک شامل کیا جارہا ہے۔

 کیو آر کوڈز

کیو آر کوڈز  فیچر نئے کانٹیکٹس کو آسانی سے ایڈ کرنے کے لیے ہے اور اس کے لیے واٹس ایپ نے نیا کیو آر کوڈ متعارف کرایا ہے۔

اس فیچر کی مدد سے  صارف کسی دوسرے صارف کے کیو آر کوڈ کو اسکین کرکے کانٹیکٹس میں شامل کرسکے گا، یعنی فون نمبر کو ٹائپ کرنے کی ضرورت نہیں پڑے گی۔

ڈارک موڈ

واٹس ایپ کا ڈارک موڈ موبائل ایپ میں تو شامل ہوگیا ہے لیکن اب اس کی سہولت واٹس ایپ ویب میں بھی فراہم کی جائے گی یعنی واٹس ایپ ڈیسک ٹاپ کے لیے بھی ڈارک موڈ یعنی بلیک اسکرین ہوگی۔

گروپ ویڈیو کالز

گروپ ویڈیو کالز کے نئے فیچر کے تحت  صارف کال میں شریک دوسرے صارف کے آئیکون کو کچھ دیر تک دبا کر فل اسکرین میں دیکھ سکے گا۔

اسی طرح گروپ چیٹس میں ایک ویڈیو آئیکون بھی دیا جائے گا تاکہ سنگل کلک سے گروپ ویڈیو کال شروع کی جاسکے لیکن یہ ان گروپس میں ہی نظر آئے گا جس میں لوگوں کی تعداد 8 یا اس سے کم ہوگی۔

اسٹیٹس کمز  کائی آپریٹنگ سسٹم

اسٹیٹس کمز کائی او ایس صارفین اس کی مدد سے  اس مشہور فیچر سے لطف اندوز ہوسکتے ہیں جو 24 گھنٹوں کے بعد غائب ہوجانے والی اپ ڈیٹس کو شیئر کرے گا۔

واٹس ایپ کمپنی کا کہنا ہے کہ صارفین کے لیے یہ تمام فیچرز آئندہ چند ہفتوں میں واٹس ایپ کے جدید ورژن میں شامل کردیے جائیں گے۔

%d bloggers like this: