وفاقی وزیر برائے تعلیم و فنی تربیت شفقت محمود نے مارچ تک ملک میں ایک نصان نافذ کرنے کا اعلان کردیا۔
وفاقی وزیر تعلیم شفقت محمود نے سندھ مدرستہ الاسلام یونیورسٹی کا دورہ کیا اور تقریب میں بھی شرکت کی۔
ایک قوم بننے کیلئے ملک میں ایک نصاب ضروری ہے: وزیراعظم عمران خان
تقریب سے خطاب میں شفقت محمود کا کہنا تھا کہ ہمارے جیسے ملک میں سیاست میں دلچسپی نہ لینا مشکل بات ہے، جو حالات ہیں ان کو دیکھتے ہوئے سیاسی معاملات میں توجہ دینی پڑتی ہے، ہماری خوش نصیبی ہے کہ ہم ایک آزاد ماحول میں سانس لیتے ہیں۔
انہوں نے کہا کہ فیصلہ کیا کہ پاکستان میں یکساں تعلیم نظام لے کر آئیں گے اور ہم یکساں نصاب پر کام کر رہے ہیں، مارچ تک نصاب ایک ہوجائے گا۔
خیال رہے کہ وزیراعظم عمران خان متعدد بار ملک میں ایک نصاب کے حوالے سے کہہ چکے ہیں۔
گزشتہ دنوں بھی ایک تقریب سے خطاب میں وزیر اعظم عمران خان نے کہا تھا کہ ملک میں ایک نصاب ضروری ہے تاکہ ہم ایک قوم بن سکیں۔