Official Web

پولینڈ نے یوکرین کو مزید اسلحےکی فراہمی روکنے کا فیصلہ کرلیا

روس کے خلاف جنگ میں یوکرین کے اہم اتحادی ملک پولینڈ نے جنگ میں مدد کیلئے یوکرین کو مزید اسلحے کی فراہمی روکنے کا فیصلہ کرلیا۔

برطانوی نشریاتی ادارے کی رپورٹ کے مطابق روس کے خلاف جنگ میں یوکرین کے اہم  اتحادی ملک پولینڈ کا تازہ فیصلہ جنگ میں یورپی اہداف کو متاثر کرسکتا ہے جبکہ فیصلے کے بعد یورپ کے پولینڈ کے ساتھ تزویرواتی تعلقات بھی متاثر ہوسکتے ہیں۔

رپورٹ کے مطابق پولینڈ کی جانب سے اچانک کیے گئے فیصلے کے امکانات یوکرینی اناج کی برآمد پر  پر یورپی یونین کے رکن ممالک کی جانب سے عارضی پابندیوں کے باعث پیدا ہونے والی تلخیوں کے بعد واضح چکے تھے۔

برطانوی میڈیا کے مطابق پولینڈ کی حکومت کی جانب سے عام انتخابات سے قبل کیے گئے اس  اقدام کے امکانات گزشتہ چند ہفتوں کے دوران یوکرین کے خلاف اپنائے گئے سخت مؤقف سے بھی عیاں ہوتے ہیں۔

برطانوی نشریاتی ادارے کی رپورٹ کے مطابق پولینڈ کے اس فیصلے سے یوکرین کی روسی افواج کو پیچھے دکھیلنے کیلئے جاری کوششوں پر گہرے اثرات مرتب ہو سکتے ہیں جو کہ روس پر یوکرینی حملوں کی رفتار میں کمی کا باعث بھی بن سکتے ہیں۔

%d bloggers like this: