Official Web

سٹاک مارکیٹ میں ریکارڈ تیزی کے بعد مندی پر اختتام

کراچی:  پاکستان سٹاک مارکیٹ میں دن بھر ریکارڈ تیزی کے بعد کاروباری دن کے اختتام پر مندی چھا گئی۔

کاروباری ہفتے کے چوتھے روز پاکستان سٹاک ایکسچینج میں کاروبار کا آغاز شاندار رہا اور انڈیکس ایک موقع پر 500 سے زائد پوائنٹس کے اضافے سے 6 سال کی بلند ترین سطح 49 ہزار پوائنٹس پر پہنچ گیا تھا۔

تاہم کاروبار کا اختتام 153 پوائنٹس کی مندی پر ہوا اور انڈیکس 48 ہزار 611 پر بند ہوا، ستاک مارکیٹ میں آخری مرتبہ جون 2017ء میں 49 ہزار کی حد کراس ہوئی تھی۔

واضح رہے کہ چند روز قبل ہی 100 انڈیکس 2 سال بعد 48 ہزار پوائنٹس کی سطح عبور کر گیا تھا، پاکستان سٹاک مارکیٹ صرف 5 ہفتوں میں 8 ہزار پوائنٹس بڑھ چکی ہے۔