Official Web

سعودیہ کی اسرائیلی وزیر کے مسجد اقصیٰ کے دورے کی شدید مذمت

سعودی عرب نے اسرائیلی وزیر کی جانب سے مسجد اقصیٰ کے دورے کی شدید مذمت کی ہے۔

عرب میڈیا کےمطابق اس سلسلے میں سعودی وزارت خارجہ نے سخت مذمتی بیان جاری کیا ہے جس میں کہا گیا ہےکہ اسرائیل کی جانب سے یہ عمل تمام بین الاقوامی قوانین اور معاہدوں کی کھلم کھلا خلاف ورزی ہے جب کہ اس سے دنیا بھر کے مسلمانوں کے جذبات کو ٹھیس پہنچائی گئی ہے۔

سعودی وزارت خارجہ کا کہنا ہےکہ وزارت اسرائیل کی قابض فورسز کو اس عمل اور ان خلاف ورزیوں کے تسلسل کا ذمہ دار سمجھتی ہے۔

میڈیا رپورٹس کے مطابق اسرائیل کے قومی سلامتی کے وزیر نے اتوار کے روز مسجد اقصیٰ کے احاطے کا دورہ کیا تھا۔

%d bloggers like this: