Official Web

یوٹیوب میں ایسی نئی تبدیلی جو آپ کو بالکل پسند نہیں آئے گی

دنیا کی مقبول ترین ویڈیو شیئرنگ سروس یوٹیوب میں ایک ایسی تبدیلی کی جا رہی ہے جو آپ کو بالکل پسند نہیں آئے گی۔

اگر آپ ٹیلی ویژن (ٹی وی) میں یوٹیوب ویڈیوز دیکھتے ہیں تو بہت جلد 30 سیکنڈ کے ایسے اشتہارات نظر آئیں گے جن کو اسکیپ (skip) کرنا ممکن نہیں ہوگا۔

یعنی ٹی وی پر یوٹیوب ایپ کا استعمال کسی روایتی ٹی وی چینل جیسا ہی ہو جائے گا۔

ویڈیو پلیٹ فارم کی جانب سے 30 سیکنڈ کے ایسے اشتہارات کو پلیٹ فارم کا حصہ بنانے کا اعلان کیا گیا۔

یوٹیوب پر ابھی ایسے اشتہارات کا دورانیہ 15 سیکنڈ کا ہوتا ہے جن کو اسکیپ کرنا ممکن نہیں ہوتا۔

مگر نئی تبدیلی کے تحت یہ دورانیہ 30 سیکنڈ تک بڑھایا جائے گا جبکہ اس کے ساتھ ساتھ ایسے اشتہارات کی تعداد بھی بڑھا دی جائے گی۔

کمپنی کے مطابق یہ تبدیلی پہلے امریکا اور کینیڈا میں متعارف کرائی جا رہی ہے اور اسے آنے والے مہینوں میں دنیا بھر تک توسیع دی جائے گی۔

30 سیکنڈ کے اشتہارات کے ساتھ یوٹیوب کی جانب سے pause experiences کو بھی ٹی وی ایپ کا حصہ بنایا جا رہا ہے۔

اس کے تحت جب کسی ویڈیو کو پوز (pause) کیا جائے گا تو سائیڈ میں اشتہارات نظر آئیں گے۔

%d bloggers like this: