نیو یارک : امریکی باسکٹ بال لیجنڈ مائیکل جورڈن کے جوتے 2.2 ملین ڈالرز (63 کروڑ 38 لاکھ روپے سے زائد) میں ریکارڈ قیمت پر نیلام ہوگئے۔
رپورٹس کے مطابق باسکٹ بال لیجنڈ کے جوتے اب تک فروخت ہونے والے سب سے قیمتی جوتے بن گئے ہیں، ان کے دستخط والے جوتوں کی نیلامی کے لیے فائن آرٹ کمپنی ’ سوتھبی ‘ نے 2 سے 4 ملین ڈالر کا تخمینہ لگایا تھا۔
سوتھبی کے اعلیٰ عہدیدار نے کہا کہ جورڈن کی اشیاء کا آج بھی ریکارڈ مالیت میں فروخت ہونا باسکٹ بال میں آج بھی انکی حکمرانی کو ظاہر کرتا ہے۔
باسکٹ بال سٹار نے فروخت ہونے والے جوتوں کو 1997-98 میں شکاگو بلز کے ساتھ اپنے آخری چیمپئن شپ سیزن کے دوران پہنا تھا۔
رپورٹس کے مطابق 2021 میں بھی لیجنڈ کھلاڑی کے جوتوں کا ایک جوڑا فروخت ہوا تھا جس کی قیمت 1.47 ملین ڈالر تھی۔
یاد رہے کہ جورڈن کی 1998 میں نیشنل باسکٹ بال ایسوسی ایشن کے ہونے والے فائنل میں پہنی ہوئی جرسی بھی 2022 میں نیلام ہو چکی ہے جس کی قیمت 10.1 ملین ڈالر تھی۔